ഫേസ്ബുക്കും ഇറക്കുന്നു ഒരു കിടിലൻ സ്മാർട്ട് വാച്ച്: 2022-ൽ വിപണിയിലേക്ക് എന്ന് സൂചന.
കിടിലൻ ഫീച്ചറുകളുമായി ഫേസ്ബുക്കിന്റെ സ്മാർട്ട് വാച്ച് ഉടൻ വിപണിയിലേക്ക് എത്തും. ഹാ‍ർ‌ട്ട് ബീറ്റ് മോണിറ്റർ അടക്കമുള്ളവയാണ് ഇതിന്റ സവിശേഷതകളെന്നാണ് പ്രാഥമിക നിഗമനം. നിലവിൽ അങ്ങനെ പറയാൻ മാത്രം ഗാഡ്ജെറ്റുകളൊന്നും ഫേസ്ബുക്കിനില്ല. പോർട്ടൽ,പോർട്ടൽ പ്ലസ് എന്നീ വീഡിയോ കോളിങ്ങ് ഗാഡ്ജെറ്റുകളുണ്ടെങ്കിലും ഇവയൊന്നും ഇപ്പോൾ പ്രചാരിത്തിലില്ല. എന്നുമാത്രമല്ല. ഇന്ത്യയിൽ ഇവയൊന്നും കാണാൻ പോലുമില്ല.
2022ലാണ് കമ്പനി ആദ്യ സ്മാർട്ട് വാച്ച് പുറത്തിറക്കാൻ പദ്ധതിയിടുന്നത്. സ്മാർട്ട് ഫോണുകളോട് കിട പിടിക്കുന്നതാവണം വാച്ചെന്നാണ് ഫേസ് ബുക്കിന്റെ നിർബന്ധം ഇത് കണക്കിലെടുത്തായിരിക്കും നിർമ്മാണം.
ഡിറ്റാചബിൾ ക്യാമറ ഫീച്ചറോടെയാണ് വാച്ചെത്തുന്നത്. 108 ക്വാളിറ്റിയിൽ ഇവയിൽ ചിത്രങ്ങൾ പക‍ർത്താനാവും. ഇതുവഴി ചിത്രമെടുത്ത് അപ്പോൾ തന്നെ ഫേസ് ബുക്കിൽ പങ്ക് വെക്കാനുള്ള ഓപ്ഷനും ഉണ്ടാവും. നിലവിൽ ലഭ്യമായിട്ടുള്ള എല്ലാ സ്മാർട്ട് വാച്ചുകളുടെയും സവിശഷതകളും പ്രത്യേകതകളും ഇതിനും ഉണ്ടാവും.
വാച്ചിന്റെ ഡിസൈൻ മാത്രം ഇപ്പോഴും അഞ്ജാതമാണ്. ബ്ലാക്ക്,വൈറ്റ്, ഗോ‍‍ൾഡ് നിറങ്ങളിലാണ് വാച്ച് ലഭ്യമാവുക. കുറഞ്ഞത് 400 ഡോളറെങ്കിലുമാണ് അമേരിക്കയിൽ ഇതിന് പ്രതീക്ഷിക്കുന്നത്. ഇന്ത്യൻ വിപണിയിൽ 2500-3000 രൂപ റേഞ്ചിൽ ലഭ്യമായേക്കും.
