News

Share

റോയൽ എൻഫീൽഡ് സ്‌ക്രാം; 650സിസി സ്‌ക്രാംബ്ലർ ബൈക്ക് കാണാൻ എങ്ങനെ?

റോയൽ എൻഫീൽഡ് സ്‌ക്രാം; 650സിസി സ്‌ക്രാംബ്ലർ ബൈക്ക് കാണാൻ എങ്ങനെ?

പ്രമുഖ മോട്ടോർസൈക്കിൾ ബ്രാൻഡായ റോയൽ എൻഫീൽഡ് അടുത്തിടെയാണ് പുത്തൻ ബൈക്കിനായി സ്ക്രാം എന്ന പേര് രജിസ്റ്റർ ചെയ്തത്.സ്ക്രാം എന്ന് പേരിട്ടിരിക്കുന്ന പുത്തൻ ബൈക്ക്, റോയൽ എൻഫീൽഡിന്റെ 650സിസി ഇരട്ടകളായ കോണ്ടിനെന്റൽ ജിടി, ഇന്റർസെപ്റ്റർ 650 നിരയിലേക്കുള്ള മൂന്നാമത് താരമാകും എന്നാണ് റിപ്പോർട്ടുകൾ.

കോണ്ടിനെന്റൽ ജിടി കഫേ റേസർ മോഡലും ഇന്റർസെപ്റ്റർ 650 റോഡ്സ്റ്റർ മോഡലുമാണ്. ഇവയ്ക്ക് പിന്നാലെയാണ് സ്‌ക്രാംബ്ലർ ഡിസൈൻ ഭാഷ്യവുമായി സ്ക്രാം എത്തുന്നത് എന്നാണ് വിവരം.



സ്ക്രാം യഥാർത്ഥത്തിൽ ഒരു അഡ്വഞ്ചർ ബൈക്ക് ആയിരിക്കില്ല. പേര് സൂചിപ്പിക്കും പോലെ സ്‌ക്രാംബ്ലർ ഡിസൈൻ ഭാഷയാണ് പുത്തൻ ബൈക്കിനുണ്ടാവുക.

ട്രയംഫിന്റെ സ്ട്രീറ്റ് സ്‌ക്രാംബ്ലർ 900-ന് സമാനമായി ഓഫ്റോഡ് ചായ്വുള്ള മോഡൽ എന്ന് പറയാം. സ്പോക് വീലുകൾ, കൂടുതൽ ട്രാവലുള്ള സസ്പെൻഷൻ, ഡ്യുവൽ പർപ്പസ് ടയറുകൾ, അല്പം മുകളിലേക്ക് കയറ്റി വച്ചിരിക്കുന്ന എക്സ്ഹോസ്റ്റ് എന്നിവ റോയൽ എൻഫീൽഡ് സ്‌ക്രാമിൽ പ്രതീക്ഷിക്കാം.

അർജന്റീന ആസ്ഥാനമായി പ്രവർത്തിക്കുന്ന കസ്റ്റം മോട്ടോർസൈക്കിൾ നിർമാതാക്കളായ എസ്ടിജി ട്രാക്കർ അടുത്തിടെ അവതരിപ്പിച്ച ഇന്റർസെപ്റ്റർ 650യുടെ സ്‌ക്രാംബ്ലർ പതിപ്പ് ഒരു പക്ഷെ സ്ക്രാമിനെപ്പറ്റി കൂടുതൽ വ്യക്തത നൽകും. ഓഫ്‌റോഡ് ചായ്വുള്ള ടയറുകൾ, അല്പം പൊക്കി സ്ഥാപിച്ചിരിക്കുന്ന എക്സ്ഹോസ്റ്റ്, എൻജിൻ ബാഷ് പ്ലെയ്റ്റ്, കറുപ്പിൽ പൊതിഞ്ഞ ബൈക്ക് ഭാഗങ്ങൾ എന്നിവ ഒരു സ്‌ക്രാംബ്ലർ മുഖഭാവം എസ്ടിജി ട്രാക്കർ അവതരിപ്പിച്ച ബൈക്കിനു നൽകുന്നുണ്ട്. വ്യത്യാസ്തമായ നിറങ്ങളും, ടാൻ ഫിനിഷുള്ള സീറ്റും കൂടെ ചേർന്നപ്പോൾ ഇന്റർസെപ്റ്റർ 650 അടിസ്ഥാനമായ ഒരു ബൈക്ക് എന്ന് ഒരിക്കലും പറയില്ല. ഉയരം കൂടിയ ഹാൻഡിലെ ബാർ, പ്രത്യേകം രൂപകൽപന ചെയ്ത ടെയിൽ ലൈറ്റ്, ഹെഡ്‍ലൈറ്റ് ഗ്രിൽ എന്നിവയും എസ്ടിജി ട്രാക്കർ ബൈക്കിൽ ചേർത്തിട്ടുണ്ട്.