'ലോകേഷിന്‍റെ സിനിമയില്‍ എനിക്ക് മരിക്കണം' ആഗ്രഹം തുറന്നുപറഞ്ഞ് അനുരാഗ് കശ്യപ്
വളരെ ചരുങ്ങിയ കാലം കൊണ്ട് തമിഴ് സിനിമാ ലോകത്ത് തന്‍റെതായ സ്ഥാനം കണ്ടെത്തിയ സംവിധായകനാണ് ലോകേഷ് കനകരാജ്, മാനഗരത്തില്‍ തുടങ്ങി കൈതിയിലൂടെ ശ്രദ്ധിക്കപ്പെട്ട ലോകേഷ് സൂപ്പര്‍ താരങ്ങളായ വിജയിയെ നായകനാക്കി മാസ്റ്റര്‍, കമല്‍ഹാസനെ നായകനാക്കി വിക്രം എന്നി സിനിമകളാണ് ഇതിനകം സംവിധാനം ചെയ്തത്. ഹോളിവുഡിലെ മാര്‍വല്‍ യൂണിവേഴ്സ് പോലെ തമിഴില്‍ ലോകേഷ് സിനിമാറ്റിക് യൂണിവേഴ്സ് ഒരുങ്ങുന്നു എന്നാണ് സിനിമ പ്രേമികള്‍ക്കിടയിലെ ചര്‍ച്ച. ആക്ഷന്‍ ത്രില്ലര്‍ സിനിമകള്‍ അതിഗംഭീരമായി ഒരുക്കുന്ന ലോകേഷിന് ഇന്ത്യന്‍ സിനിമയില്‍ നിരവധി ആരാധകരാണുള്ളത്.അടുത്തിടെ തമിഴിലെ ഒരു ഓണ്‍ലൈന്‍ ചാനലിന് നല്‍കിയ അഭിമുഖത്തില്‍ ബോളിവുഡ് സംവിധായകന്‍ അനുരാഗ് കശ്യപ് ലോകേഷിനെ കുറിച്ച് പറഞ്ഞ വാക്കുകളാണ് സിനിമപ്രേമികള്‍ക്കിടയില്‍ ചര്‍ച്ചയായി. ലോകേഷ് കനകരാജിന്‍റെ ചിത്രത്തില്‍ മരിക്കുന്ന റോള്‍ ചെയ്യണമെന്ന വിചിത്രമായ ആഗ്രഹമാണ് അനുരാഗ് കശ്യപ് വെളിപ്പെടുത്തിയത്. കഥാപാത്രങ്ങള്‍ക്ക് അതിമനോഹരമായ മരണമാണ് ലോകേഷിന്‍റെ സിനിമകളില്‍ കിട്ടാറുള്ളത്. അദ്ദേഹത്തിന്‍റെ സിനിമയില്‍ ഒരു മുഴുനീള റോള്‍ എനിക്ക് ആവശ്യമില്ല. മരിച്ചാല്‍ മതിയെന്നാണ് അനുരാഗ് കശ്യപ് പറഞ്ഞത്.തമിഴ് സിനിമ പ്രേമികള്‍ ഏറ്റവുമധികം കാത്തിരിക്കുന്ന വിജയ് ചിത്രം ലിയോയുടെ പണിപ്പുരയിലാണ് ലോകേഷ് കനകരാജ് ഇപ്പോഴുളളുത്. വന്‍ മുതല്‍ മുടക്കില്‍ ഒരു പാന്‍ ഇന്ത്യന്‍ ചിത്രമായാണ് ലിയോ ഒരുങ്ങുന്നത്. കശ്മീരിലെ ചിത്രീകരണത്തിന് ശേഷം മടങ്ങിയെത്തിയ സംഘം ചെന്നൈയിലെ സെറ്റില്‍ അവസാനഘട്ട ചിത്രീകരണത്തിലാണ്.ബോളിവുഡ് താരം സഞ്ജയ് ദത്താണ് ചിത്രത്തിലെ വിജയ്യുടെ വില്ലന്‍ കഥാപാത്രത്തെ അവതരിപ്പിക്കുന്നത്. തൃഷയാണ് നായിക. മലയാളി താരം മാത്യു തോമസിന്‍റെ തമിഴിലെ അരങ്ങേറ്റ ചിത്രം കൂടിയാണ് ലിയോ. അനിരുദ്ധാണ് ചിത്രത്തിന്‍റെ സംഗീതം ഒരുക്കുന്നത്. മനോജ് പരമഹംസയാണ് ക്യാമാറമാന്‍.സംവിധായകരായ ഗൗതം മേനോന്‍, മിഷ്കന്‍, കോറിയോഗ്രാഫര്‍ സാന്‍ഡി എന്നിവര്‍ക്ക് പുറമെ, ബാബു ആന്‍റണി, മന്‍സൂര്‍ അലിഖാന്‍, പ്രിയാ ആനന്ദ്, അര്‍ജുന്‍ എന്നിങ്ങനെ വമ്പന്‍ താരനിരയാണ് ചിത്രത്തിലുള്ളത്.
Loading..
