ആഘോഷ തിമിർപ്പിൽ ഐറിഷ് മലയാളികൾ; ശ്രദ്ധേയമായി 'മൈൻഡിന്റെ' മെഗാമേള

2008ൽ രൂപീകൃതമായ 'മലയാളി ഇന്ത്യൻസ് (MIND), അയർലൻഡ് ' സംഘടിപ്പിച്ച പതിനഞ്ചാമത് മെഗാമേള ശ്രദ്ധേയമായി.അയർലൻഡിലെ അങ്ങോളം ഇങ്ങോളം ഉള്ള മലയാളികൾ അടക്കമുള്ള എല്ലാ ഇന്ത്യക്കാരെയും പ്രതിനിധാനം ചെയ്തുകൊണ്ട് നടന്ന മെഗാ മേള അക്ഷരാർത്ഥത്തിൽ ഇന്ത്യക്കാർക്ക് ഒരു ആഘോഷം തന്നെയായിരുന്നു.ജൂൺ 3ന് രാവിലെ 9 മണിക്ക് അസ്‌ല സെന്റർ ഡബ്ലിനിൽ; ഫിങ്ങൾ മേയർ, കൗൺസിലർ ഹോവർഡ് മഹോണി ടും, മുഖ്യാതിഥിയായ സിനിമാതാരം ഹണി റോസും ചേർന്ന് വിളക്ക് തെളിച്ചു കൊണ്ട് ഔദ്യോഗിക ഉദ്ഘാടനം നിർവഹിച്ചു.അയർലൻഡിലെ മന്ത്രിമാരായ ജാക്ക് ചേമ്പേഴ്സ്, തോമസ് ബൈർണെ എന്നിവർ മെഗാ മേളയുടെ മുഖ്യാതിഥികളായി എത്തിച്ചേർന്നു.മലയാളികളുടെ ഈ ആഘോഷത്തിന് നെഞ്ചിലേറ്റിക്കൊണ്ട് നിരവധി സാമൂഹിക സാംസ്കാരിക രാഷ്ട്രീയ പ്രതിനിധികൾ പങ്കെടുത്തു.കൗൺസിലർ പുണം രനെ, ടിഡി പോൾ McAuliffe എന്നിവർ ശ്രദ്ധയെ സാന്നിധ്യമായി. ഇന്ത്യയിൽ നിന്ന് മലബാർ ഗോൾഡ് ഡയമണ്ട്സിനു വേണ്ടി യൂറോപ്പ്യൻ പ്രതിനിധിയായ മുഹമ്മദ് സിയാദും, ഫെഡറൽ ബാങ്കിന്റെ പ്രതിനിധികളും മേളയുടെ ആകർഷണീയമായി മാറി.മൈൻഡ് നേതൃത്വത്തിൽ സംഘടിപ്പിച്ച നിരവധി ഇൻഡോർ ഔട്ട്ഡോർ ഗെയിമുകൾ ശ്രദ്ധേയമായി. കേരളത്തനിമയോതുന്ന കലാപരിപാടികളോടൊപ്പം, കേരളീയ ഭക്ഷണവും കൂടി വന്നപ്പോൾ ആഘോഷം കെങ്കേമമായി.പരിപാടിയോട് അനുബന്ധിച്ച് നടന്നഫാഷൻ ഷോയും ആഘോഷത്തിന് മാറ്റ് കൂട്ടി. ആഘോഷത്തോടനുബന്ധിച്ച് പുസ്തകമേളയും സംഘടിപ്പിച്ചിരുന്നു.